Komin til Kanalands

Jæja, þá er komið að því! Ég er loksins komin til Iowa City! Um helgina var ég með fjölskyldu stelpu sem ég hitti á Couchsurfing.com. Það var farið í pikknikk og brúðargjafasturtu (bridal shower) og ég hjálpaði til við undirbúninginn. Ég fékk smá heimþrá í gær, en ég held ég haldi þetta nokkuð vel út, svona fyrst ég er komin með eigin herbergi í Summit-húsinu og að byrja í skólanum og svona. Það tekur mig um 15 mínútur að ganga í skólann, alveg bein leið. Konan sem sér um skiptinemana er svaka fín og hjálpleg. Þegar ég kom í herbergið mitt í gærkvöldi, um hálf tólf, var ekkert þar inni nema tvö teppi á gólfinu, og ekkert flugnanet fyrir glugganum. En einn íbúinn hjálpaði mér að ná í dýnu, boxdýnu og ramma úr kjallaranum og annar hjálaði mér að ná í flugnanet sem passaði næstum fyrir gluggann og teipaði fyrir restina... nú þarf ég ekki að hafa ánhyggjur af moskítóófétunum :P
Þetta lítur semsagt allt mjög vel út. Ég fæ lánuð fleiri húsgögn, sjálfsagt í kvöld, íslenskur maður sem býr hér ætlar að hjálpa mér að verða mér úti um nauðsynjar sem ekki er hægt að fá í miðbænum, vonandi á morgun, og ég á tíma hjá námsráðgjafa á eftir, kl 13, eða 18 að ísleskum tíma.
Þartil síðar... ég ætla að reyna að vídjóblogga... lofa þó engu!
Kv. Vala

Athugasemdir

[Solveig (IP-tala skráð) 25.8.2008 kl. 17:17]

En gaman að heyra frá þér :D Hvernig stendur á því að það var ekkert flugnanet fyrir glugganum? Ég hefði haldið að það væri bara hluti af húsinu en ekki persónulegt val. Heppin ertu líka að hafa íslendinga í kallfæri. Það er alltaf gott að vita af ættingjum í nágrenninu.

[Karó (IP-tala skráð) 26.8.2008 kl. 09:53]

Vá þetta hljómar svakalega spennandi hjá þér! :D Vonandi fáum við nú að sjá allavega myndir og svona svo maður geti aðeins séð fyrir sér hvernig lífið er hjá þér þarna úti ;)