Sófabrimarar

Mikið er gott að vera heima í svona góðu veðri! Ég hef aldrei erið svona ánægð með að vera á Íslandi, trúið mér. Gott veður, sól og freknur en engin skorkvikindi... allavega ekki til að tala um. Við höfum verið að taka á móti "couchsurfers" héðan og þaðan. Í dag fór seinni systirin sem hafa verið hjá okkur síðan á mánudaginn. Það voru bandarískar systur, önnur er að læra að verða dýralæknir og hin er "pastrychef". Húrra fyrir þeim sem finnur orð á íslensku sem lýsir þessari starfsgrein.
Í kvöld koma til okkar aðrar tvær stelpur sem verða hjá okkur í eina nótt. Vonandi verðum við jafn heppnar með þær og hinar. Svo fáum við smá frí... held ég. Allavega verð ég að vinna á hverjum degi næstu tvær og hálfa vikuna, svona um það bil. Næstu tvær helgar 12 tíma hvern dag en bara frá þrjú til átta virka daga, þannig að ég fæ að sofa út á milli. Í staðin fæ ég auka frí í kring um verslunarmannahelgina

Verið góð, börnin mín. 

Athugasemdir

[Solveig (IP-tala skráð) 18.7.2007 kl. 17:48]

Er hún ekki bara bakari sem sérhæfir sig í kökum og bakkelsi?

[Rúna Vala, 19.7.2007 kl. 10:46]

Eitt orð sem er lýsandi fyrir fagið...

[Þórdís Anna (IP-tala skráð) 19.7.2007 kl. 21:03]

Sætabrauðsbakari? :p

[Sigrún (IP-tala skráð) 28.7.2007 kl. 01:59]

desertakokkur? :)