Auglýsingar...

Rakst á auglýsingar á bétveimur punktur is. Fyrri er hérna og fjallar um mikilvægi þess að vera í bílbeltum. Seinni auglýsingin fjallar um hraðakstur á áhrifaríkan hátt og er hér. Það skal tekið fram að auglýsingarnar geta valdið óhug hjá viðkvæmum sálum.

Annars er það að frétta að tveggja vikna stanslaust streð er senn á enda, á föstudaginn förum við vestur í Ísafjarðardjúp til Lóu frænku. Hlakka til að komast í sveitina. Fæ fimm daga frí.

Annars var ég að hugsa um eitt sem við lærðum úti í Kosta Ríka og systir mín fjallaði um á sinni bloggsíðu fyrr í sumar. Þannig er að Kosta Ríka lagði niður her sinn og gerði, í staðin fyrir varnarsamninga, friðarsamninga við önnur lönd. Þetta finnst mér að við ættum að gera, sérstaklega þar sem við erum sem stendur á milli þjóða sem "vernda" okkur. Hvað finnst ykkur um að skrifa bréf og safna undirskriftum og fara með þær til utanríkisráðherra vors? 

Athugasemdir

[Þorgrímur Gestsson (IP-tala skráð) 2.8.2007 kl. 14:25]

Sterkt!!!! Ég táraðist, sérstaklega yfir seinna klippinu, og sendi hér með út ástæðu þess að ég vandi mig á bílbelti: Fyrir nærri 20 árum velti ég jeppa austur á Vopnafjarðarheiði, fór þrjár veltur en kom niður á hjólunum; framrúðan fauk og á eftir henni ritvél sem var í aftursætinu en ég sat eins og negldur niður. Annars er ekki að vita nema ég væri í besta falli í hjólastól núna. Eða Vala hefði alist upp föðurlaus. ÚFF! Krakkar! haldið ykkur við 90 úti á vegum - ekki hraðar, oft miklu hægar!

[Steinunn (IP-tala skráð) 13.8.2007 kl. 21:48]

Svakaleg myndbönd!

Og Kosta Ríka er greinilega svalt land!