Fréttir

Það eru fréttir sem allflestir af mínum vinum og félögum hafa heyrt, en ég ætla samt að láta það flakka hér og nú: við Þórgnýr munum gifta okkur næsta sumar. Nánari dagsetning er 8.8.2008. Málið er að við byrjuðum saman 4.4.2004, þannig að þessi dagsetning hefur þónokkuð gildi fyrir okkur... og auk þess er auðvelt að muna hana :P  Nei, við ætlum ekki að gifta okkur í kirkju. Ef þér datt það í hug, þá þekkirðu okkur greinilega ekki. Þetta verður veraldleg athöfn og mun vonandi fara fram í hlöðu í Borgarfirði. Við erum þó ekki kkomin með það á hreint.

Aðrar fréttir eru þær að mér var boðin staða sem aðstoðarumsjónarmaður frístundaheimilisins Hlíðaskjóls í Hlíðaskóla, þar sem ég vann frá janúar síðastliðnum og fram að sumarfríi. Mér reiknast svo til að þetta sé um það bil hálf staða með skólanum.

Þannig að það er allt gott að frétta héðan af Frakkastígnum. Ég held áfram að vinna eins og brjálæðingur á flugvellinum og bíð eftir stundinni sem skólinn byrjar og ég get farið að vinna í Hlíðaskjóli. Gústa gengur vel, var að ljúka við litgreiningu á mynd eftir Hrafn Gunnlaugsson, sem varð mjög ánægður með útkomuna. Það þýðir vonandi meiri vinnu fyrir hann.

Athugasemdir

[Þórgnýr Thoroddsen, 20.8.2007 kl. 18:36]

Til hamingju!